„თავისუფალმა საქართველომ“ პარტიის რეგიონული ოფისი ქუთაისში დააფუძნა

„თავისუფალი საქართველო“ რეგიონებში თავის მხარდამჭერებთან შეხვედრებს განაგრძობს. პარტიის პრესსამსახურის ინფორმაციით, პარტიის რეგიონული ოფისი დღეს ქუთაისში, ტაბიძის N1-ში გაიხსნა.

„ჩვენი პარტია ხალხის ინტერესებზე ორიენტირებული ძალაა. ყველა ჩვენს მხარდამჭერს მივმართავ, აქტიურად მიიღონ მონაწილეობა „თავისუფალი საქართველოს“ ქუთაისის ოფისის ფორმირებაში, რათა ერთიანი ძალებით ვიბრძოლოთ იმ მიზნების განხორციელებისთვის, რომელიც ქვეყნის განვითარებისთვის იქნება მიმართული“, - განაცხადა კახა კუკავამ.

მისივე თქმით, „თავისუფალი საქართველო“ აგვისტოში, იმერეთის ოთხივე ოლქში წარადგენს დეპუტატობის კანდიდატებს.

„თავისუფალი საქართველო“ მზადაა საკუთარ მხარდამჭერებს საპარლამენტო არჩევნებში ღირსეული კანდიდატები წარუდგინოს. ჩვენ ასევე მონაწილეობას მივიღებთ ქუთაისის მერის არჩევნებშიც, რომლის ვადამდელი არჩევნებიც - დროში, საპარლამენტო არჩევნებს ემთხვევა“,- განაცხადა პარტიის ლიდერმა.

ქუთაისის ოფისის გახსნისას, განცხადება, ასევე „თავისუფალი საქართველოს“ თანათავმჯდომარემ, გოგი წულაიამ გააკეთა.

„ქუთაისი არ უნდა იყოს ცენტრალური ხელისუფლების ფილიალი. ამ ქალაქს ადგილობრივი მცხოვრებლების დასაქმების კუთხით, უდიდესი პოტენციალი გააჩნია, მაგრამ უნიათო ცენტრალური და ადგილობრივი ხელისუფლება, მხოლოდ საკუთარ კეთილდღეობაზე ზრუნვით არის დაკავებული. ქუთაისელები მასობრივ უმუშევრობას განიცდიან, ისევე, როგორც დანარჩენი საქართველო“, - განაცხადა გოგი წულაიამ და აღნიშნა, რომ ქუთაისს და ზოგადად, ყველა თვითმმართველობას მეტი ფინანსური, ქონებრივი და ადმინისტრაციული ავტონომია უნდა გააჩნდეს.

„თავისუფალი საქართველოს“ ლიდერთა განცხადებით, პარტია უახლოეს მომავალში თვითმმართველობის ქარტიის პროექტს გამოაქვეყნებს.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
შეფუთვის ვინტაჟური სტილი და ევროპული სტანდარტების ქარხანა - „ვაკე“ 2021 წელს სიახლეებით იწყებს
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს