პრემიერ-მინისტრი სოფელ ღარში სტიქიით მიყენებული ზიანის სალიკვიდაციო სამუშაოების მიმდინარეობას გაეცნო

საქართველოს პრემიერ-მინისტრი გიორგი გახარია, ვიცე-პრემიერთან, რეგიონული განვითარებისა და ინფრასტრუქტურის მინისტრ მაია ცქიტიშვილთან ერთად, რაჭაში, სტიქიით დაზარალებულ სოფელ ღარში მიყენებული ზიანის სალიკვიდაციო სამუშაოების მიმდინარეობას გაეცნო.

როგორც მთავრობის ადმინისტრაციიდან „ინტერპესნიუსს“ აცნობეს, ონის მუნიციპალიტეტის სოფელ ღარის ხიდთან ადიდებულმა რიონმა გზა ჩამოშალა და ონის წყალმომარაგების ცენტრალური სისტემის მილები დააზიანა. მიუხედავად ამისა, ონს ამჟამად წყალი ალტერნატიული საშუალებით მიეწოდება.

რეგიონული განვითარებისა და ინფრასტრუქტურის სამინისტროს წარმომადგენლებმა მთავრობის მეთაურს მიაწოდეს ინფორმაცია სტიქიისგან დაზიანებულ ტერიტორიაზე მიმდინარე სამუშაოების შესახებ. ამჟამად იწმინდება მდინარის კალაპოტი, რის შემდეგაც წყლის სისტემის და გზის აღდგენითი სამუშაოები დაიწყება. მაგისტრალური ქსელის დაზიანების შედეგად წყლის გარეშე დარჩენილ აბონენტებს სასმელი წყალი მიეწოდებათ.

ამასთან, აქტიურად მიმდინარეობს სოფლების - ჯინჯჭვისისა და გომის დამაკავშირებელი დაზიანებული ხიდის აღდგენითი სამუშაოები, ასევე დაწყებულია ხიდთან მისასვლელი დროებითი გზის მოწყობა.

პრემიერ-მინისტრსა და ვიცე-პრემიერთან ერთად სოფელ ღარში პრემიერის მრჩეველი რეგიონულ საკითხებში სოზარ სუბარი, მაჟორიტარი დეპუტატი გოჩა ენუქიძე, რეგიონის გუბერნატორი არჩილ ჯაფარიძე, ონის მერის მოვალეობის შემსრულებელი დავით ჩიკვაიძე, რეგიონული განვითარებისა და ინფრასტრუქტურის მინისტრის მოადგილეები, შინაგან საქმეთა მინისტრის მოადგილე და შსს-ს საგანგებო სიტუაციების მართვის სამსახურის ხელმძღვანელი იმყოფებოდნენ.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო