"რესპუბლიკელი" კონგრესმენები დონალდ ტრამპის მიერ შეთავაზებულ არჩევნების გადადების იდეას არ ეთანხმებიან

აშშ-ის სენატის უმრავლესობის ლიდერი მიჩ მაკკონელი და წარმომადგენელთა პალატის უმცირესობის ლიდერი კევინ მაკკარტი პრეზიდენტ დონალდ ტრამპის შეთავაზებას არჩევნების გადადადებასთან დაკავშირებით, არ ეთანხმებიან.

ორივე "რესპუბლიკელი" კონგრესმენი აცხადებს, აშშ-ის ისტორიაში საპრეზიდენტო არჩევნების გადადების პრეცედენტი არასდროს ყოფილა.

„არასდროს ქვეყნის ისტორიაში არ ყოფილა, რომ ფედერალური არჩევნები დაგეგმილ დროს არ ჩაგვეტარებინა. 3 ნოემბრის არჩევნების ჩასატარებლადაც მოვძებნით გზას," - განაცხადა მიჩ მაკკონელმა.

იგივე განცხადება გააკეთა კევინ მაკკარტმაც, რომელმაც აღნიშნა, რომ „ფედერალური არჩევნების ისტორიაში არ ყოფილა შემთხვევა, რომ არჩევნები გადაედოთ.“

აღსანიშნავია, რომ არჩევნების გადადების იდეას არც ტრამპის მეგობარი, სენატორი ლინდსი გრეჰემი ეთანხმება და აცხადებს, რომ გადადება „კარგი იდეა არაა.“

BBC-ი წერს, რომ კანონმდებლობის თანახმად, აშშ-ის პრეზიდენტს არჩევნების გადადების უფლება არ აქვს და შესამაბისი გადაწყვეტილება ქვეყნის კონგრესმა უნდა დაამტკიცოს.

შეგახსენებთ, გუშინ დონალდ ტრამპი არჩევნების გადადების ინიციატივით გამოვიდა. „ფოსტის საშუალებით ხმის მიცემით, 2020 წელს ისტორიაში ყველაზე არაზუსტი და გაყალბებული არჩევნები გვექნება. გადავდოთ არჩევნები, ვიდრე ხალხს უსაფრთხოდ და წესების დაცვით ხმის მიცემის შესაძლებლობა არ ექნება?" - განაცხადა ტრამპმა.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან