ბათუმში, მუსლიმმა მრევლმა ყურბან ბაირამი აღნიშნა. მორწმუნეებმა და საქართველოს მუფთმა ადამ შანთაძემ ბათუმის მეჩეთში ლოცვა აღავლინეს და ტრადიციისამებრ ამ დღესთან დაკავშირებით მსხვერპლად შინაური ცხოველები შეწირეს. მორწმუნეების თქმით, ხორცს შეჭირვებულებს დაურიგებენ, ნაწილს კი ოჯახში იტოვებენ.
ამ დღესთან დაკავშირებით მუსლიმი მორწმუნეები სხვადასხვა ტკბილეულს ამზადებენ და მიცვალებულთა სასაფლაოზე მიდიან.
მუსლიმებს ყურბან-ბაირამი აჭარის მთავრობის თავმჯდომარემ თორნიკე რიჟვაძემ მიულოცა.