ონის მერიაში სტიქიის სალიკვიდაციო გეგმებთან დაკავშირებით შტაბის სხდომა მიმდინარეობს
ონის მუნიციპალიტეტის მერიაში სტიქიის სალიკვიდაციო გეგმებთან დაკავშირებით შტაბის სხდომა მიმდინარეობს. სხდომას ადგილობრივი ხელისუფლების წარმომადგენლებთან ერთად რეგიონული განვითარებისა და ინფრასტრუქტურის მინისტრი მაია ცქიტიშვილი ესწრება. სხდომის დასრულების შემდეგ გახდება ცნობილი, ამ ეტაპზე რა სამუშაოები მიმდინარეობს სტიქიის სალიკვიდაციოდ და გაგრძელდება თუ არა ვერტმფრენებით მოსახლეობის გამოყვანა.
ამასთან, დღეს დილით, მინისტრმა მაია ცქიტიშვილმა უწერაში, ლაგვანთის ხიდთან და ნაკიეთში მიმდინარე სამუშაოები დაათვალიერა.
შეგახსენებთ, რაჭაში, მდინარე რიონის ადიდების გამო მნიშვნელოვნად დაზარალდა 12 სოფელი. სტიქიის შედეგად დაზიანდა გზები, ხიდები, სახნავ-სათესი მიწები და სახლები.
სტიქიის სალიკვიდაციო სამუშაოებში ჩართულია მძიმე ტექნიკა, პრობლემური ზონებიდან მოქალაქეები ვერტმფრენების საშუალებით გამოჰყავდათ.
v-if="article.gallery" v-html="article.gallery"
