დავით ჭიჭინაძე - მარეგულირებელი ორგანოები ტოქსიკური პოლიტიკოსებითაა სავსე

„ბოლო 30 წელია ქვეყანა მხოლოდ იძარცვება და თუ რამე შეიქმნა, ისიც იმიტომ, რომ კონკრეტულ ინტერესებს მოემსახურონ და იქ ყოფილი ჩინოვნიკები დაასაქმონ”, - ამის შესახებ პოლიტიკური მოძრაობა „ტრიბუნას“ ლიდერმა დავით ჭიჭინაძემ განაცხადა.

ჭიჭინაძის თქმით, მარეგულირებელი ორგანოები „ტოქსიკური პოლიტიკოსებითაა სავსე“.

“მარეგულირებელი ორგანოები ტოქსიკური პოლიტიკოსებითაა სავსე. ეს სააკაშვილის დროსაც საკმაოდ ფართო მასშტაბით ხდებოდა, თუმცა "ქართული ოცნების" მმართველობის პერიოდში რეკორდი მოიხსნა. ამ პროცესების შემყურე ხელისუფლება კი "მე არ მეხებას" პრინციპით მოქმედებს და პენსიონერებს პენსიის 20 და 30 ლარით მომატებას ამადლის. მაშინ, როდესაც მათი ქმედებების შედეგად მიღებული ზარალი რომ არა, მათი პენსიები ორჯერ და სამჯერ გაიზრდებოდა. გამოდის, რომ სახელმწიფო კომპანიები დღეს ფულის შოვნის ყველაზე კარგი საშუალებაა. თან, ახალი სქემებით საპენსიო ფულიც თურმე სახელმწიფო კომპანიებში უნდა ჩაიდოს. არადა ამ ფულის სახელმწიფო საწარმოების მიერ განთავსება, ისევ და ისევ ამ ფულის მოპარვას ემსახურება. რეალურად ჩვენ ვხედავთ, რომ სახელმწიფო კომპანიები ის მექანიზმია, სადაც ხდება მოგების გენერირება კერძო და არა სახელმწიფო სტრუქტურებისთვის“, - განაცხადა ჭიჭინაძემ.

მან ასევე ისაუბრა ეკონომიკის სამინისტროს შესახებ.

„რაც შეეხება ეკონომიკის სამინისტროს, სტრუქტურა პრაქტიკულად მოიცავს ყველა დარგს, მაგრამ არც ერთ ამ დარგს არ ჰყავს პროფესიონალი ხელმძღვანელი. ძირითადად გვყავს ე.წ. "ეფექტური მენეჯერები", რომლებიც ბუღალტერიაში არიან კარგად გარკვეული და ფიქრობენ არა დარგის განვითარებაზე, არამედ იმაზე, როგორ მოიპარონ ზედმეტი ფული იმ ადამიანების სასარგებლოდ, რომელთა ინტერესებსაც ემსახურებიან. მოკლედ, ნებისმიერ სფერო, რომელსაც არ უნდა შევეხოთ პრაქტიკულად არის ფინანსური ჯგუფების და არა სახელმწიფო ინტერესების განმახორციელებელი”, - განაცხადა ჭიჭინაძემ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია