საქართველოში დაფიქსირებული კორონავირუსის 8 ახალი შემთხვევიდან ერთი „გაჩიანის კლასტერს“ მიეკუთვნება და სოფელ ყარაჯალარში დაფიქსირდა.

როგორც ,,ინტერპრესნიუსს“ გარდაბნის მუნიციპალიტეტის მერიაში განუცხადეს, ლუგარის ლაბორატორიაში 27 პირის საკვლევი მასალა გადაიგზავნა და მათგან მხოლოდ ერთს დაუდასტურდა კორონავირუსი.

ჯამში სოფელ ყარაჯალარში ინფიცირებულ პირთა რაოდენობა 37-მდე გაიზარდა. გარდაბნის მუნიციპალიტეტში კი 57-ია. გარდაბნის მუნიციპალიტეტის სოფელ ყარაჯალარში რთული ეპიდსიტუაციის გამო, 24 ივლისს კარანტინი გამოცხადდა და მოსახლეობას გაფართოებული ,,პისიარ“ ტესტირება უტარდება.