მთიანი აჭარა ბლოგერებმა და ინფლუენსერებმა დაათვალიერეს

აჭარის ტურიზმის დეპარტამენტის მიერ ორგანიზებული შიდა ტურიზმის სტიმულირების პროექტის ფარგლებში, კინტრიშის, მტირალასა და მაჭახელას ეროვნული პარკები, სოფლები: შუამთა, გულები, მეძიბნასა და მერისის ჩანჩქერები ცნობილმა ქართველმა ბლოგერებმა და ინფლუენსერებმა დაათვალიერეს. ამის შესახებ „ინტერპრესნიუსს“ აჭარის ავტონომიური რესპუბლიკის მთავრობის ტურიზმისა და კურორტების დეპარტამენტიდან აცნობეს.

უწყების ინფორმაციით, ბლოგერებისა და ინფლუენსერების პოსტებს სოციალურ ქსელებში პოზიტიური გამოხმაურებები მოჰყვა, სადაც ისინი ათასობით გამომწერს საკუთარ შთაბეჭდილებებსა და რეკომენდაციებს უზიარებენ.

„პროექტის ფარგლებში საქართველოში 7 აქტიური ბლოგერი და ინფლუენსერია შერჩეული, რომლებიც რეგიონში 3 აგვისტომდე იმოგზაურებენ. დღეს, ისინი ჭვანას ხეობაში ლელთის ტბასა და ხაბელაშვილების ხიდს დაათვალიერებენ, რის შემდეგაც ჩირუხი-ხიხანი-გოდერძის ტურისტულ მარშრუტზე გააგრძელებენ მოგზაურობას. აჭარის ტურიზმის დეპარტამენტი ბლოგერების შემდეგ პროექტში ფოტოგრაფების, კულინარებისა და სხვადასხვა პროფესიის ადამიანების ჩართვას გეგმავს. პროექტის ფარგლებში ასევე, განახლდება აჭარის ტურისტული პოტენციალისა და პროდუქტების ამსხველი ფოტო-ვიდეო ბაზა. მთიანი აჭარის ახალი ტურისტული მარშრუტების პოპულარიზაციის მიზნით დეპარტამენტი ინფოტურებს გიდებისთვის, ტურისტული სააგენტოებისა და მედიის წარმომადგენლებისთვისაც გეგმავს“, - ნათქვამია ინფორმაციაში.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა