სოფელ ყარაჯალარში კორონავირუსთან დაკავშირებული რეკომენდაციების შესახებ ბროშურები რიგდება

შერიგებისა და სამოქალაქო თანასწორობის საკითხებში სახელმწიფო მინისტრის აპარატის ინფორმაციით, სოფელ ყარაჯალარში კორონავირუსთან დაკავშირებული რეკომენდაციების შესახებ ბროშურები რიგდება.

კერძოდ, კორონავირუსთან დაკავშირებული რეკომენდაციების შესახებ ნაბეჭდი მასალა შერიგებისა და სამოქალაქო თანასწორობის საკითხებში სახელმწიფო მინისტრის მოვალეობის შემსრულებელმა ლია გიგაურმა სოფელ ყარაჯალარში გასავრცელებლად სახელმწიფო რწმუნებულს ქვემო ქართლში შოთა რეხვიაშვილს გადასცა. 5000 საინფორმაციო ბროშურა ორენოვანია და ადგილობრივი მოსახლეობისთვის ქართულ და აზერბაიჯანულ ენებზეა ხელმისაწვდომი. კორონავირუსთან დაკავშირებით გაცემული რეკომენდაციების შესახებ ინფორმაციის გავრცელება, ადგილობრივი თვითმმართველობების დახმარებით აქტიურად მიმდინარეობს და ნაბეჭდი მასალა ეთნიკური უმცირესობებისთვის მშობლიურ ენაზე კარდაკარ რიგდება.

საინფორმაციო მასალები საქართველოს გაეროს ასოციაციის (UNAG), „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA), აშშ-ის საერთაშორისო განვითარების სააგენტოს (USAID) მხარდაჭერით დაიბეჭდა.

როგორც შერიგებისა და სამოქალაქო თანასწორობის საკითხებში სახელმწიფო მინისტრის მოვალეობის შემსრულებელმა აღნიშნა, პროგრამაში ჩართულია როგორც ადგილობრივი თვითმმართველობა, ასევე სახელმწიფო რწმუნებულის ადმინისტრაციის წარმომადგენლები. მისივე განცხადებით, ინფორმაციის მიტანასთან ერთად, მნიშვნელოვანია მოქალაქეების დარწმუნება, რომ კორონავირუსის საფრთხე რეალურია და თითოეულ მოქალაქეზეა დამოკიდებული გავრცელდება თუ არა ვირუსი.

“დღეს ვიმყოფებით სოფელ ყარაჯალარში, მოგეხსენებათ აქ გვაქვს ინფიცირების ყველაზე მეტი შემთხვევა, 60-ს გადასცდა ინფიცირებულთა რაოდენობა. ამიტომ აქედან ვიწყებთ ამ ფაზას, რათა თითოეულ მოქალაქესთან კარდაკარ პრინციპით დავარიგოთ საინფორმაციო მასალები, რომლებიც საშუალებას მოგვცემს ჩვენც და ჩვენს მოქალაქეებსაც, რომ კიდევ ერთხელ გააცნობიერონ ის რისკები, რომლებიც ახლავს კორონავირუსის გავრცელებას და ასევე, გაითვალისწინონ რეკომენდაციები, რომლებიც აუცილებელია იმისათვის, რომ ეფექტიანი იყოს ბრძოლა კორონავირუსის წინააღმდეგ”,- განაცხადა ლია გიგაურმა.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო