რუსთავის მერია - რუსთავში, ჭყონდიდელის დასახლებაში, ავარიული საცხოვრებელი სახლების სარეაბილიტაციო  სამუშაოები მიმდინარეობს

რუსთავის მერიის ინფორმაციით, რუსთავში, ჭყონდიდელის დასახლებაში, ავარიული საცხოვრებელი სახლების სარეაბილიტაციო სამუშაოები მიმდინარეობს. კერძოდ, ცხრა საცხოვრებელი კორპუსის გამაგრება-რეაბილიტაციის მიზნით, აღნიშნულ დასახლებაში ორი ინფრასტრუქტურული პროექტი ხორციელდება.

ჭყონდიდელის დასახლებაში სამუშაოების მიმდინარეობას, რუსთავის მერი ირაკლი ტაბაღუა პირველ მოადგილესთან, ბესიკ ტოგონიძესა და ინფრასტრუქტურის სამსახურის წარმომადგენლებთან ერთად გაეცნო.

„ საცხოვრებელი კორპუსების რეაბილიტაციის პროცესი უკვე დასრულდა რჩეულიშვილის #2ა, #4ა, ჯავახიშვილის #3ა, #5ა, ტოლსტოის #7ა და ბერიტაშვილის #6ა-ში. პროექტის ფარგლებში, ექვსი კორპუსის ფასადის გამაგრება-რეაბილიტაცია განხორციელდა, შეიცვალა კარ-ფანჯრები. პროექტი მთლიანად ადგილობრივი ბიუჯეტიდან დაფინანსდა. პროექტის ღირებულება 238 437 ლარამდეა. სამუშაოები 20 მარტს დაიწყო და 28 ივლისს დასრულდა.

დასრულების ფაზაშია, ბარნოვის #5ა, გიორგაძის #28 და ჩაპაევის #3 საცხოვრებელი კორპუსების ფასადების გამაგრება-რეაბილიტაციის პროექტი, რომელიც ასევე ადგილობრივი ბიუჯეტიდან გამოყოფილი თანხით დაფინანსდა. პროექტის ფარგლებში, ბარნოვის #5ა და გიორგაძის #28-ში, საცხოვრებელი სახლების გამაგრება-რეაბილიტაცია მიმდინარეობს, გამოიცვალა კარ-ფანჯრები. ჩაპაევის #3-ში, გამაგრება-რეაბილიტაციისა და კარ-ფანჯრების გამოცვლის პარალელურად, მოეწყო აივნები. აღნიშნული პროექტის ღირებულება 273 263 ლარამდეა. სამუშაოები 25 მარტს დაიწყო და აგვისტოში დასრულდება.

გასულ წელს, ჭყონდიდელის დასახლებაში, 10 საცხოვრებელი კორპუსის ფასადის გამაგრება-რეაბილიტაცია განხორციელდა. კერძოდ, რეაბილიტაცია ჩაუტარდა გრანელის #7, #9 და #11-ს, გიორგაძის #8-ს, ჩეხოვის #6, #8, #8ა, #10, გრანელის #23 და #25-ს. ჯავახიშვილისა და გიორგაძის ქუჩებზე არსებული კიდევ ორი კორპუსის გამაგრება-რეაბილიტაცია იგეგმება”,-აღნიშნულია რუსთავის მერიის მიერ გავრცელებულ ინფორმაციაში.

ალექსანდრე თვალჭრელიძე - არ შემეშინდება გითხრათ, რომ არჩევნების შემდეგ ჩვენ განსხვავებულ პოლიტიკურ სტრუქტურას მივიღებთ
ქართული პრესის მიმოხილვა 27.09.2021
რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს