ახალგაზრდობის სააგენტო, რეფორმის „მუნიციპალური ახალგაზრდული პოლიტიკის“ ფარგლებში, ბოლნისის მუნიციპალიტეტს ეწვია და საინფორმაციო სახის შეხვედრა გამართა

ბოლნისის მუნიციპალიტეტის ინიციატივით, ახალგაზრდობის სააგენტოს ხელმძღვანელმა რეზო ჩარკვიანმა რეფორმის „მუნიციპალური ახალგაზრდული პოლიტიკის“ ფარგლებში, ბოლნისელ ახალგაზრდებთან და მერთან არსებული ახალგაზრდობის საბჭოს წევრებთან საინფორმაციო სახის შეხვედრა გამართა. ამის შესახებ „ინტერპრესნიუსს“ ბოლნისის მუნიციპალიტეტიდან აცნობეს.

მათივე ცნობით, შეხვედრას ბოლნისის მუნიციპალიტეტის მერი დავით შერაზადიშვილი და მისი მოადგილეები ბუბა გობეჯიშვილი და ვალენტინა ნავერიანი ესწრებოდნენ. ბოლნისის მუნიციპალიტეტმა სურვილი გამოთქვა სააგენტოს მიერ დაგეგმილ პროექტებში აქტიური მონაწილეობა მიიღოს. რეზო ჩარკვიანის განცხადებით, სააგენტო მუნიციპალიტეტს ახალგაზრდული პოლიტიკის შემუშავებაში საექსპერტო დახმარებას გაუწევს.

„დღეს, შევხვდით ახალგაზრდობის სააგენტოს ხელმძღვანელს რეზო ჩარკვიანს, რომელმაც ახალგაზრდებს სააგენტოს საქმიანობისა და მომავალი გეგმების შესახებ დეტალური ინფორმაცია მიაწოდა. ვფიქრობ, ახალგაზრდული პოლიტიკა ქვეყნისა და ჩვენი მუნიციპალიტეტის სწრაფი განვითარების საწინდარია, ამიტომ ბოლნისის მუნიციპალიტეტი ყოველთვის მზადაა ამ მიმართულებით არაერთი პროექტი განახორციელოს. ჩვენი მუნიციპალიტეტი ახალგაზრდობის სააგენტოსთან აქტიურ თანამშრომლობას გეგმავს”, - განაცხადა ბოლნისის მუნიციპალიტეტის მერმა დავით შერაზადიშვილმა.

უწყების ინფორმაციით, ბოლნისის მუნიციპალიტეტის მერიის საკონფერენციო დარბაზში გამართულ შეხვედრაზე მხარეებმა სამომავლო გეგმები და „მუნიციპალური ახალგაზრდული პოლიტიკის“ რეფორმის მიზნები განიხილეს. მუნიციპალური ახალგაზრდული პოლიტიკის განვითარება საქართველოს 64–ვე მუნიციპალიტეტში, ახალგაზრდობის საჭიროებების კვლევაზე დაფუძნებით, ახალგაზრდული პოლიტიკის დოკუმენტისა და სამოქმედო გეგმის შემუშავებას გულისხმობს. ამ მიმართულებით წელს საპილოტე პროექტში 10 რეგიონის 11 მუნიციპალიტეტია ჩართული.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი