საქართველოში კორონავირუსის 3 ახალი შემთხვევიდან ერთი აჭარაში გამოვლინდა. ინფიცირებული მამაკაცი სატვირთო ავტომობილის მძღოლია, რომელიც საქართველოში თურქეთიდან დაბრუნდა.

აჭარაში კორონავირუსით ინფიცირებული 17 ადამიანია და ისინი ბათუმის რესპუბლიკურ საავადმყოფოში მკურნალობენ.

„გასული 24 საათის განმავლობაში ერთი ინფიცირებული დაგვემატა, ეს პაციენტი მძღოლია და თურქეთიდან შემოვიდა. მას ტესტირება ჩაუტარდა და „კოვიდ 19“ დაუდასტურდა, პაციენტს ჩივილები არ აღენიშნება. ამჟამად ბათუმის რესპუბლიკურ საავადმყოფოში 17 დადასტურებული შემთხვევა გვაქვს, აქედან 16 პაციენტის ჯანმრთელობის მდგომარეობა სტაბილურია, ერთი პაციენტი კი მძიმედ გვყავს და მას ინტენსიური მკურნალობა უტარდება",- განაცხადა ექიმმა გია კიკაბიძემ.

იხილეთ ვიდეო:კორონავირუსით ინფიცირების სამი ახალი შემთხვევიდან ერთი ბათუმში გამოვლინდა