ლიკანში, სამგზავრო მიკროავტობუსის და საბარგო ავტომობილის შეჯახების შედეგად, 10 ადამიანი დაშავდა
ბორჯომში, ლიკანის დასახლებაში ავარია მოხდა. ერთმანეთს სამგზავრო მიკროავტობუსი და საბარგო ავტომობილი შეეჯახა. არიან დაშავებულებიც.
როგორც „ინტერპრესნიუსს“ ჯანდაცვის სამინისტროს საგანგებო სიტუაციების კოორდინაციისა და გადაუდებელი დახმარების ცენტრში განუცხადეს, ავარიის შედეგად 10 ადამიანი დაშავდა. დაშავებულებს მრავლობითი ტრავმები აღენიშნებოდათ. ისინი ბორჯომის კლინიკაში არიან გადაყვანილები.
შინაგან საქმეთა სამინისტროს ინფორმაციით, საქმეზე გამოძიება 276-ე მუხლის მეორე ნაწილით მიმდინარეობს.
