"საქნახშირში" გასართობი ღონისძიებები გრძელდება. 1-ელ აგვისტოს, ადმინისტრაციულ კორპუსში თანამშრომლებს შორის მორიგი შეჯიბრი გაიმართა.
კომპანიის ინფორმაციით, მეშახტეები ამჯერად ნარდის თამაშში შეეჯიბრნენ ერთმანეთს.
„პირველი ადგილის მფლობელი ვალოდია მესხი გახდა. მეორე ადგილზე გელა უკლება გავიდა, მესამეზე კი გია ცირეკიძე. გამარჯვებულებს სამსახსოვრო სერტიფიკატები და ფულადი ჯილდოები გადაეცათ. დასაჩუქრდა ტურნირის ერთადერთი ქალი მონაწილეც - მთვარისა სოფრომაძე ფულადი პრიზით საქართველოს პროფკავშირების გაერთიანებამ დააჯილდოვა“,- ნათქვამია ინფორმაციაში.