სს „ენერგო-პრო ჯორჯია“-მ რაჭაში სტიქიის შედეგად დაზიანებული ქსელის აღდგენითი სამუშაოები დაასრულა. ამის შესახებ „ინტერპრესნიუსს“ „ენერგო-პრო ჯორჯიადან“ აცნობეს. მათივე ცნობით, ონის მუნიციპალიტეტის ყველა მოსახლეს ელექტროენერგია მიეწოდება. მათი ცნობით, ამ დროისთვის, დარჩენილია მხოლოდ მცირე დაზიანება კურორტი შოვის კერძო ქსელში, რომელიც აგრეთვე მალე აღდგება.
„კომპანიის ტექნიკურმა ბრიგადებმა ძალიან რთული და საკმაოდ სარისკო სამუშაოები, დროის მოკლე მონაკვეთში, საკმაოდ წარმატებით დაასრულეს, რისთვისაც დიდი მადლობა პროცესში ჩართულ ყველა თანამშრომელს“ - განაცხადა სს „ენერგო-პრო ჯორჯია“-ს გენერალურმა დირექტორმა მიხეილ ბოცვაძემ.
