კახა ლაბუჩიძე - "სტრატეგია აღმაშენებლის" წევრის, ანა კობახიძის განცხადება არის მცდარი და ემსახურება მოსახლეობის დეზინფორმირებას

ისნის რაიონის გამგებელი კახა ლაბუჩიძე პოლიტიკური პლატფორმის "სტრატეგია აღმაშენებლის" წევრის ანა კობახიძის განცხადებას ეხმაურება.

როგორც კახა ლაბუჩიძე სოციალურ ქსელში წერს, ანა კობახიძის განცხადება მცდარია და მოსახლეობის დეზინფორმირებას ემსახურება.

მისი განცხადებით, ფოტო, რომელიც სოციალურ ქსელში განცხადების ავტორმა გამოაქვეყნა 24 ივლისს, არასამუშაო საათებში არის გადაღებული და არათუ ადმინისტრაციული რესურსის გამოყენებას, არამედ არანაირ კანონდარღვევას ადგილი არ ჰქონია.

"მინდა გამოვეხმაურო პოლიტიკური პლატფორმა „სტრატეგია აღმაშენებლის" წევრის, ანა კობახიძის ცილისმწამებლურ განცხადებას, თითქოს მმართველი გუნდი, პარტიის კანდიდატების სასარგებლოდ, ადმინისტრაციულ რესურსს იყენებს. ამ ფაქტის მტკიცებულებად მან გაავრცელა „ქართული ოცნების“ მაჟორიტარობის კანდიდატ კახა კახიშვილთან ერთად გადაღებული ჩემი და ჩემი მეგობრების ფოტო.

სრული პასუხისმგებლობით ვაცხადებ, რომ არათუ ადმინისტრაციული რესურსის გამოყენებას, არანაირ კანონდარღვევას ადგილი არ ჰქონია. აღნიშნული შეხვედრა შედგა 24 ივლისს, პარასკევს, არასამუშაო საათებში საღამოს 20:00 სთ-ზე, შესაბაბისად, არ დარღვეულა საარჩევნო კოდექსი რადგან, საქართველოს საარჩევნო კოდექსი იძლევა უფლებას აგიტაციაში მონაწილეობა მიიღო, ნებისმიერ დროსა და სივრცეში თუ აღნიშნული არ უკავშირდება ადმინისტრაციული რესურსის გამოყენებას. მითუმეტეს როცა საუბარია გამგებელზე, რომელიც პოლიტიკური თანამდებობის პირია და საარჩევნო კოდექსის მიხედვით არ ეკრძალება საარჩევნო აგიტაციაში მონაწილეობის უფლება. შესაბამისად, ხაზგასმით ვაცხადებ, რომ საქართველოს საარჩევნო კოდექსის არცერთი მუხლი არ დარღვეულა.აქედან გამომდინარე, პარტია „სტრატეგია აღმაშენებლის” განცხადება არის მცდარი და ემსახურება მოსახლეობის დეზინფორმირებას",- წერს სოციალურ ქსელში ლაბუჩიძე.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი