გვიან ღამით მოსულმა სტიქიამ ლაგოდეხის მუნიციპალიტეტის სოფელი მსხალგორი დააზარალა. ზარალს ითვლის ათეულობით ოჯახი.

ადგილობრივების ინფორმაციით, ძლიერმა წვიმამ, სეტყვამ და ქარმა სოფელი დააზარალა.

უხვი ნალექის შედეგად დაიტბორა საცხოვრებელი სახლების პირველი სართულები და განადგურდა ავეჯი. ასევე დაზიანებულია ვენახები და ბოსტნეულის ბაღები.

მოსახლეობა მომხდარის მიზეზად სანიაღვრე არხების მოუწესრიგებლობას ასახელებს და პასუხისმგებლობას ხელისუფლებას აკისრებს.