ანაკლია-განმუხურის საავტომობილო გზაზე, განმუხურის გადასახვევთან ავტოსაგზაო შემთხვევას 3 ადამიანის სიცოცხლე ემსხვერპლა, ერთი კი მძიმედ დაშავდა.
არსებული ინფორმაციით, ავტომანქანა ხეს შეეჯახა.
როგორც „ინტერპრესნიუსს“ შინაგან საქმეთა სამინისტროში განუცხადეს, ადგილზე სამართალდამცავები აქტიურ რეჟიმში მუშაობენ და დამატებითი დეტალები მოგვიანებით გახდება ცნობილი.