გია ვოლსკი - მიხეილ სააკაშვილი ხიბლის ცოდვითვაა შეპყრობილი

პარლამენტის ვიცე-სპიკერი, გია ვოლსკი აცხადებს, რომ საქართველოს ყოფილი პრეზიდენტისთვის, მიხეილ სააკაშვილისთვის წესები არ არსებობს და ის “ხიბლის ცოდვითვაა შეპყრობილი”.

როგორც ვოლსკიმ ჟურნალისტებს განუცხადა, სამწუხაროა, რომ არსებობენ ადამიანები, რომლებიც სააკაშვილის მიერ შექმნილ “სისხლიან წარსულს” ყოველდღიურად აწერენ ხელს.

“იმ ფსიქიკის ადამიანისთვის, როგორიც არის მიხეილ სააკაშვილი, წესი არ არსებობს. სხვა ქვეყნის შიდა საქმეებში ჩარევის თემასთან დაკავშირებით საუბარი აქ აბსოლუტურად უადგილოა. ეს არის არაადეკვატური ადამიანი, რომელიც არის შეპყრობილი ხიბლის ცოდვით. ესაა ის რეალობა, რომელსაც დღეს ვუყურებთ”,- განაცხადა ვოლსკიმ.

როგორც ის აღნიშნავს, სააკაშვილს სურს, ყველაფერი პირად ამბიციას დაუქვემდებაროს.

“სააკაშვილი აშკარად ადასტურებს და ყოველდღიურად უფრო ინტენსიურად უსვამს ხაზს იმას, რომ ნებისმიერი სხვა პარტია, რომელიც გარკვეულ პერიოდში სამსახურს უწევდა “ნაციონალურ მოძრაობას”, მათ შორის “ევროპული საქართველოც”, მისთვის არ წარმოადგენს რაიმე ღირებულებას. მას აქვს პირადი ამბიცია და უნდა, ყველაფერი, მათ შორის მისი გუნდის წევრებიც, დაუქვემდებაროს ამ პირად ამბიციას და ხელი მოაწერინოს კიდევ ერთხელ და ათასჯერ იმ სისხლიან დანაშაულებებზე, რაც მან საქართველოში ჩაიდინა”, - განაცხადა ვოლსკიმ.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 26.02.2021
კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
1 მარტს, "ამბასადორი ჯგუფი" კურორტ გოდერძიზე ახალ სასტუმროს - „ამბასადორი გოდერძის“ გახსნის