გია ვოლსკი - რუსული აგრესია მიმართულია კონკრეტულად კავკასიის რეგიონში პოზიციების გასაძლიერებლად და არ ითვალისწინებს არავის ინტერესებს

ის დაპირისპირება, რაც რუსეთთან გვაქვს, არ წარმოადგენს მხოლოდ საქართველო-რუსეთის ორმხრივი ურთიერთობების ფორმატს. ეს არის მსოფლიო დაპირისპირების ერთ-ერთი მნიშვნელოვანი სეგმენტი და ჩვენ სწორ პოზიციაზე ვდგავართ, - ამის შესახებ პარლამენტის ვიცე-სპიკერმა, გია ვოლსკიმ განაცხადა, რითაც რუსეთის მხრიდან არსებულ საფრთხეებზე ამერიკის შეერთებული შტატების ყოფილი სახელმწიფო მდივნის, კონდოლიზა რაისის კომენტარს გამოეხმაურა.

როგორც ვოლსკი აღნიშნავს, რუსეთი არავის ინტერესებს ითვალისწინებს.

„რუსული აგრესია მიმართულია კონკრეტულად კავკასიის რეგიონში პოზიციების გასაძლიერებლად და არ ითვალისწინებს არავის ინტერესებს, არც აფხაზების, არც ოსების, არც ქართველების და მისი სტრატეგიული მიმართულება აღწერილია რუსეთის უსაფრთხოების კონცეფციაში. ეს არის აგრესიული სახელმწიფო, არადემოკრატიული სახელმწიფო”,- განაცხადა ვოლსკიმ.

მისი თქმით, საქართველოს წინა ხელისუფლებამ არა მხოლოდ ხელი შეუწყო რუსულ ოკუპაციას, არამედ ამას საერთაშორისო დონეზე მოაწერა ხელი.

„საქართველო საერთაშორისო ასპარეზზე და რადარებზე, როგორც ისინი ამას უწოდებს, არ ყოფილა ასე ძლიერ და მკაფიოდ წარმოდგენილი, განსხვავებით იმ პოზიციებისგან, რომელმაც საშუალება მისცა რუსეთს დაეპყრო, ოკუპაცია განეხორციელებინა. განსხვავებით იმ პოზიციებისა, რომელი ჩვენმა ოპონენტებმა დააფიქსირეს, როდესაც ხელისუფლებაში იყვნენ. არამხოლოდ ხელი შეუწყვეს ამ ოკუპაციას, არამედ ხელმოწერით დაადასტურეს საერთაშორისო დონეზე, რომ საქართველოს ბრალეულობა არსებობს ომის დაწყებაში. ესაა რეალობა და ამ რეალობის გადასაფარად ათასობით უტიფარ და უზენეო განცხადებებს აკეთებენ ამ ომთან დაკავშირებით”,- განაცხადა ვოლსკიმ.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 23.05.2022
ჰუბერტ ქნირში - გზა ევროკავშირში გაწევრიანებისკენ ჯერ კიდევ გრძელია - ის, რაც რამდენიმე კვირაში ევროპის საბჭომ შეიძლება გადაწყვიტოს, არის გზის დასაწყისი, არის გადაწყვეტილება, რომ ჩვენ ერთად გვინდა ამ გზის გავლა
„მაკდონალდს საქართველო“ Mc Happy Day-ის საქველმოქმედო კამპანიას იწყებს