ბათუმის მერიასთან გარემოვაჭრეებმა საპროტესტო აქცია  გამართეს

ბათუმის მერიის შენობასთან გარემოვაჭრეებმა საპროტესტო აქცია გამართეს. აქციის მონაწილეების განცხადებით, მერია მათ წერეთლის ქუჩაზე გარევაჭრობის საშუალებას არ აძლევს, შეთავაზებული ალტერნატიულ ფართი კი სამუშაოდ არახელსაყრელია.

გარემოვაჭრეები მოითხოვენ, რომ ბათუმის მერიამ ვაჭრობისთვის შესაძლებლობა მისცეთ.

„ის ბაზრობა, სადაც გადაგვიყვანეს, დაიკეტა იმის გამო, რომ იქ არ იყო მუშაობა, იქ არავინ არ შემოდიოდა. ხუთი თვე საერთოდ უმუშევარი ვიყავით. ზოგი საზღვარგარეთ წავიდა სამუშაოდ, ზოგმა მაღაზია იქირავა. 120 ადამიანიდან 10 დავრჩით. ვინც გამოსავალი ვერ ვნახეთ, ისევ უკან დავბრუნდით. ვერ ვიქირავებ მაღაზიას, არ მაქვს ამის საშუალება და უნდა მოვკვდეთ? ყოველდღე გვაჯარიმებენ. ვითხოვთ, ეს ჯარიმები აღარ გამოგვიწერონ, მოგვცენ არსებობის საშუალება ან ალტერნატიული ადგილი მოგვცენ, სადაც ვაჭრობა იქნება"- განაცხადა აქციის ერთ-ერთმა მონაწილემ, ნანა კინწურაშვილმა.

აქციას ბათუმის მერიის მუნიციპალური სერვისების განვითარების სააგენტოს დირექტორი ჯუმბერ კობალაძე გამოეხმაურა.

„ყველა ვალდებულია დაემორჩილოს კანონს. არაერთხელ შევთავაზეთ სხვა ადგილი. ჩვენ ყოველდღიურ რეჟიმში ვფიქრობთ, რა ალტერნატიული ადგილის შეთავაზება შეიძლება. თვითონაც შემოგვთავაზონ. რაც შეეხება ჯარიმებს, არაერთხელ გააფრთხილეს. იქ მცხოვრები მოქალაქეები ითხოვენ, რომ იყოს წესრიგი, სისუფთავე და არ იყოს გარევაჭრობა. ამიტომ გამოსავალი უნდა მოვძებნოთ. ჩვენ რამდენიმე ალტერნატიულ ადგილს შევთავაზებთ და როგორმე უნდა მოგვარდეს ეს საკითხი. კანონი კრძალავს ქუჩაში ვაჭრობას. სამსახური, რომელსაც ევალება წესრიგის დაცვა, ასრულებს თავის მოვალეობას" - განაცხადა ჯუმბერ კობალაძემ.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს