გორის მუნიციპალიტეტში „სამოქალაქო ბიუჯეტი 2021“-ის ფარგლებში პროექტების შერჩევა დაიწყო

გორის მუნიციპალიტეტში „სამოქალაქო ბიუჯეტი 2021“ - ის ფარგლებში განსახორციელებელი პროექტების შერჩევის პროცესი დაიწყო. როგორც „ინტერპრესნიუსს“ გორის მერიიდან აცნობეს, პირველ ეტაპზე ადგილობრივ მოსახლეობასთან საინფორმაციო შეხვედრები გაიმართება. შეხვედრებზე მოქალაქეებს დაურიგდებათ საპროექტო ინიციატივების განაცხადის ფორმები, რომლებიც უნდა შეავსონ და მერიაში წარმოადგინონ.

მათივე ცნობით, პროგრამის მომავალი წლის ბიუჯეტი 2 980 000 ლარს შეადგენს, რომელიც მუნიციპალიტეტის 28 ზონაზე განაწილდება.

„გასული წლებისგან განსხვავებით ადგილობრივი თვითმმართველობის გადაწყვეტილებით, პროგრამისთვის გამოყოფილი თანხის განაწილების წესი შეიცვალა. 2020 წელს გორის ექვს ადმინისტრაციულ ერთეულს 100 ათასის ნაცვლად 130 – 130 ათასი ლარი ერგება. იმ ფაქტის გამო, რომ ქალაქის ადმინისტრაციული ერთეულები მოკლებულნი იყვნენ სოფლის პროგრამით სარგებლობის შესაძლებლობას, არათანაბარ პირობებში იმყოფებოდნენ მუნიციპალიტეტის სხვა ადმინისტრაციულ ერთეულებთან.

პროგრამა, რომლის მიზანიც ადგილობრივი თვითმმართველობის საქმიანობაში საზოგადოების ჩართულობის ზრდის ხელშეწყობაა, გორის მუნიციპალიტეტში მეხუთე წელია ხორციელდება.

„სამოქალაქო ბიუჯეტის“ ფარგლებში 2021 წელს განსახორცილებელი პროექტების შერჩევის პროცესი, ჯამში 5 ეტაპს მოიცავს. საინფორმაციო კამპანიის შემდეგი ეტაპები განაცხადებების შევსებას, მომავალი წლის ადგილობრივ ბიუჯეტში შესაბამისი თანხის გათვალისწინების მიზნით, „სამოქალაქო ბიუჯეტის საბჭოს“ მიერ ადმინისტრაციული ერთეულების მიხედვით პრიორიტეტული პროექტების შერჩევასა და მერისთვის გაცნობას ითვალისწინებს. პროგრამის საინფორმაციო კამპანიას ატარებს ა(ა)იპ „გორის მუნიციპალიტეტის სტრატეგიული განვითარების სააგენტო“, - აღნიშნულია ინფორმაციაში.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი წარმატების წერტილი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი