პაციენტის მამა დაკავებული ექიმების ადვოკატს - ჩემი შვილის მდგომარეობაზე რას იტყვით?!

თბილისის საქალაქო სასამართლოში „თბილისის ცენტრალური საავადმყოფოს" დირექტორის და ამავე კლინიკის ექიმის სასამართლო პროცესი მიმდინარეობს. დაკავებული ექიმების ადვოკატმა სალომე ჯანუაშვილმა დაზარალებულის სასამართლო პროცესზე დასწრება ბრალდების მხარის მიერ სასამართლოზე ზეწოლის ორგანიზებად შეაფასა.

პაციენტის ნათია ცირეკიძის მამამ ბრალდებულის ადვოკატს მიმართა, რას იტყოდა მისი შვილის მდგომარეობაზე.

„ჩემი შვილის მდგომარეობაზე რას იტყვით?!“- მიმართა ნათია ცირეკიძის მამამ ბრალდებულების ადვოკატს.

მამის აღნიშნულ განცხადებაზე კი ადვოკატმა აღნიშნა, რომ დაზარალებულის დასწრება არის ზეწოლა სასამართლოზე.

„ეს არის ბრალდების მხარის მიერ ორგანიზებული ზეწოლა სასამართლოზე, დაზარალებულის დარბაზში ყოფნა”,- განაცხადა სალომე ჯანუაშვილმა.

შეგახსენებთ, პროკურატურის ინფორმაციით, თბილისის პროკურატურის საგამოძიებო სამმართველოს თანამშრომლებმა, სამსახურეობრივი გულგრილობის, სამსახურებრივი მდგომარეობის გამოყენებით თაღლითობისა და უკანონო საექიმო საქმიანობის ფაქტზე, მოსამართლის განჩინების საფუძველზე, „თბილისის ცენტრალური საავადმყოფოს" დირექტორი გ.ლ. და ამავე კლინიკის ექიმი ვ.ყ. დააკავეს, ხოლო უკანონო საექიმო საქმიანობის ფაქტზე მ.ხ.-ს მიმართ დაუსწრებლად იქნა გამოტანილი დადგენილება ბრალდებულად პასუხისგებაში მიცემის შესახებ.

პროკურატურის ინფორმაციით, „თბილისის ცენტრალურ საავადმყოფოში“ პაციენტს ოპერაცია იტალიიდან მოწვეული ექიმების ნაცვლად, შესაბამისი ლიცენზიის არმქონე პირებმა გაუკეთეს. პროკურატურისვე ინფორმაციით, ექიმების მიერ გამოვლენილი უყურადღებობისა და დაშვებული შეცდომების გამო პაციენტის მდგომარეობა გართულდა და იგი 2018 წლის დეკემბრიდან დღემდე კომატოზურ მდგომარეობაში იმყოფება.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
სილქნეტი განცხადებას ავრცელებს (R)