ჩინეთში, ბოლო 24 საათში, კორონავირუსის 37 ახალი შემთხვევა დადასტურდა, შესაბამის მონაცემებს ქვეყნის ჯანდაცვის ეროვნული კომისია აქვეყნებს.
ამავე მონაცემების თანახმად, ახალი შემთხვევებიდან 7 იმპორტირებულია, დანარჩენი კი - შიდა გადაცემის შედეგია.
გარდა ამისა, გასული დღე-ღამის განმავლობაში, ჩინეთში კორონავირუსი 20 უსიმპტომო პაციენტს გამოუვლინდა.
ცნობისათვის, ჩინეთში, პანდემიის გავრცელებიდან დღემდე, კოვიდ 19-ის 84 528 შემთხვევაა დადასტურებული, 4 634 ადამიანი კი - დაღუპულია.