საავტომობილო გზების დეპარტამენტი - რაჭაში, სტიქიის ზონაში დროებითი გადასასვლელების მოწყობა და საპროექტო სამუშაოები აქტიურად მიმდინარეობს

საქართველოს რეგიონული განვითარებისა და ინფრასტრუქტურის სამინისტროს დაქვემდებარებაში არსებული საავტომობილო გზების დეპარტამენტისა და გაერთიანებული წყალმომარაგების კომპანიის წარმომადგენლები, სტიქიის შედეგად დაზიანებული ინფრასტრუქტურის სალიკვიდაციო-აღდგენით სამუშაოებს რაჭაში მე-7 დღეა აქტიურად აგრძელებენ.

როგორც „ინტერპრესნიუსს“ საქართველოს საავტომობილო გზების დეპარტამენტიდან აცნობეს, გუშინ მაღალი გამავლობის ავტოტრანსპორტისთვის დროებითი გადასასვლელი ხიდები მოეწყო სოფელ მაჟიეთთან და სოფელ ხიდეშლებთან, სადაც ამ დროისთვის სარმის ხიდების მოწყობა მიმდინარეობს.

მათივე ინფორმაციით, პარალელურად, დაზიანებული საავტომობილო გზის მონაკვეთების აღსადგენად, 2 საპროექტო ჯგუფი ინტენსიურ რეჟიმში მუშაობს.

„ონის მუნიციპალიტეტში, სამუშაოები მიმდინარეობს მდინარის კალაპოტში დასაბრუნებლად და საავტომობილო მოძრაობისთვის ეწყობა დროებითი გადასასვლელები.

მძიმე ტექნიკა აგრძელებს მუშაობას სტიქიის შედეგად დაზიანებული და ჩამოშლილი გზის მონაკვეთების აღსადგენად. მაღალი გამავლობის ავტომანქანებისათვის მოძრაობა უკვე შესაძლებელია სოფელ ჟამიერეთთან მისასვლელ გზაზე. ქუთაისი-ალპანა-მამისონის უღელტეხილის საავტომობილო გზის 127-ე, 128-ე და 129-ე კმ-ზე ჩამოშლილ გზაზე დროებითი გადასასვლელების მოწყობის შემდეგ, სამუშაოები გრძელდება მომდევნო, 131-ე კმ-ზე დაზიანებული მონაკვეთზე. ამ მონაკვეთის გადალახვის შემდეგ, დროებითი გადასასვლელების მოსაწყობად მუშაობა გაგრძელდება შოვთან დამაკავშირებელ ხიდსა და ჩამოშლილი ორ მონაკვეთზე.

უკვე აღდგენილია საავტომობილო მოძრაობა 8 სოფელთან. ჯერჯერობით, რამდენიმე სოფელი ისევ რჩება სამანქანო გზის გარეშე და მიმდინარეობს სამუშაოები დროებითი გზების მოსაწყობად. სოფლების ნაწილთან კავშირი ხორციელდება დროებითი შემოვლითი გზების მეშვეობით.

დასრულების ეტაპზეა სტიქიის შედეგად დაზიანებული ონის წყალმომარაგების ცენტრალური მაგისტრალის რეაბილიტაციის სამუშაოები. უკვე დამონტაჟდა 200 მეტრი ფოლადის მაგისტრალი რთულ რელიეფურ ადგილებში, უახლოეს პერიოდში კი სრულად აღდგება ჟიჟორეთის სათავე ნაგებობა. ამასთან, მიუხედავად არსებული დაზიანებებისა, ონის მუნიციპალიტეტში სტიქიის შედეგად დაზარალებულ მოსახლეობას წყალი, ალტერნატიული ქსელის საშუალებით, მეორე დღიდანვე სტაბილურად მიეწოდებოდა“, - აღნიშნულია უწყების მიერ გავრცელებულ ინფორმაციაში.

საქართველოს საავტომობილო გზების დეპარტამენტის ცნობით, სტიქიის შედეგად დაზარალებულ ყველა სოფელს მესამე დღეა ელექტროენერგია უწყვეტად მიეწოდება.

სოფლის მოსახლეობისათვის საკვების, მედიკამენტებისა და სხვა საჭირო ნივთების ვერტმფრენებით მიწოდება უწყვეტად გრძელდება.

„სტიქიის ზონაში აგრძელებენ მუშაობას, საქართველოს რეგიონული განვითარებისა და ინფრასტრუქტურის სამინისტროს, საავტომობილო გზების დეპარტამენტის, გაერთიანებული წყალმომარაგების კომპანიის, შინაგან საქმეთა სამინისტროს, საგანგებო სიტუაციების მართვის სამსახურის და ადგილობრივი ხელისუფლების წარმომადგენლები“, - აცხადებენ უწყებაში.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 22.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს