საქართველოში კორონავირუსის 9 ახალი შემთხვევიდან 1 აჭარაში გამოვლინდა. როგორც აჭარის ჯანდაცვის სამინისტროში განაცხადეს, ინფიცირებული მამაკაცი საერთაშორისო გადაზიდვების - სატვირთო ავტომობილის მძღოლია, რომელსაც გეგმური კვლევა ჩაუტარდა და კორონავირუსი დაუდასტურდა.

ამასთან, უწყების ცნობით, აჭარაში კორონავირუსისგან ერთი ადამიანი გამოჯანმრთელდა.

ამ დროისთვის ბათუმის რესპუბლიკურ საავადმყოფოში კორონავირუსით ინფიცირებული 20 ადამიანი მკურნალობს, აქედან ერთის ჯანმრთელობის მდგომარეობა შედარებით მძიმეა.