საფრანგეთის პრეზიდენტი ემანუელ მაკრონი ლიბანის დედაქალაქ ბეირუთში გაემგზავრა. ამის შესახებ ინფორმაციას პრეზიდენტის ადმინისტრაცია ავრცელებს.

მათივე ინფორმაციით, პრეზიდენტი მაკრონი ლიბანის პოლიტიკური წრეების წარმომადგენლებს, მათ შორის ქვეყნის პრეზიდენტსა და პრემიერ-მინისტრს, შეხვდება.

საფრანგეთის საგარეო საქმეთა სამინისტროს ინფორმაციით, ბეირუთში მომხდარ აფეთქებას საფრანგეთის ერთი მოქალაქე ემსხვერპლა, ქვეყნის კიდევ 24 მოქალაქე კი დაშავებულია.