ბათუმი - ჩაქვის ცენტრალურ საავტომობილო გზაზე ავტოსაგზაო შემთხვევის შედეგად სამი ადამიანი დაშავდა. დაშავებულები კლინიკა „მედალფაში" არიან გადაყვანილი. წინასწარი ინფორმაციით, მათ სიცოცხლეს საფრთხე არ ემუქრება.

ავტოსაგზაო შემთხვევისას ორი მსუბუქი ავტომობილი შეეჯახა ერთმანეთს.

ადგილზე სამართალდამცავები იყვნენ მობილიზებული. ფაქტზე საქართველოს შინაგან საქმეთა სამინისტრომ გამოძიება "სისხლის სამართლის კოდექსის" 276-ე მუხლით დაიწყო, რაც სატრანსპორტო მოძრაობისას წესების დარღვევას გულისხმობს.