2020 წელს გორის მუნიციპალიტეტში 14 საბავშვო ბაღს რეაბილიტაცია ჩაუტარდება

2020 წელს გორის მუნიციპალიტეტში 14 საბავშვო ბაღს რეაბილიტაცია ჩაუტარდება. როგორც „ინტერპრესნიუსს“ გორის მუნიციპალიტეტის მერიიდან აცნობეს, პროექტებით გათვალისწინებული სამუშაოების შესყიდვის მიზნით, მერიამ ტენდერები უკვე გამოაცხადა.

პროექტების ჯამური სატენდერო ღირებულება 631 829 ლარს შეადგენს.

თანხა ადგილობრივი ბიუჯეტიდან გამოიყო.

მათივე ინფორმაციით, სარეაბილიტაციო სამუშაოები განხორციელდება გორის #5, #6, #9, #14 #16, ტყვიავის, ქიწნისის, ტირძნისის, ზეღდულეთის, ახრისის, ატენის, პატარა გარეჯვარის, ზეღდულეთისა და კარალეთის #1 საბავშვო ბაღებში.

„პროექტის მიხედვით რეაბილიტაცია ჩაუტარდება გორის #5 საბავშვო ბაღის პირველ სართულზე არსებულ სამზარეულოსა და ჯგუფის ოთახებს, მეორეზე კი სამრეცხაოს, #6 საბავშვო ბაღში სამრეცხაოს, სანიტარულ კვანძსა და დამხმარე ოთახებს, #9 საბავშვო ბაღის პირველ სართულს, #16 საბავშვო ბაღში კი სამზარეულოებსა და ჯგუფის ოთახებს პირველ და მეორე სართულზე. რა შეეხება #14 საბავშვო ბაღს, იგემება მისი შენობის ნაწილობრივი რეაბილიტაცია.

ნაწილობრივი რეაბილიტაცია ჩაუტარდება ასევე გორის მუნიციპალიტეტის სოფლების, კარალეთის #1, ტყვიავის, პატარა გარეჯვრის, ზეღდულეთისა და ტირძნისის საბავშვო ბაღების შენობებს. ქიწნისის საბავშვო ბაღში რეაბილიტირდება მხოლოდ საპირფარეშო, ახრისში საპირფარეშო და სამზარეულო, ატენში კი სამზარეულო, სამრეცხაო და საპირფარეშო“, - აღნიშნულია გორის მუნიციპალიტეტის მერიის მიერ გავრცელებულ ინფორმაციაში.

ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
“პარტია ალეკო ელისაშვილი - მოქალაქეების” ერთ-ერთი ლიდერი ლევან იოსელიანი - ჩვენ უნდა დავიწყოთ ახალი სასამართლო სისტემის  მშენებლობა
ქართული პრესის მიმოხილვა 27.10.2020
ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ირმა ინაშვილი - 8 წელია სადისტები გვასხედან თავზე (R)
Admixer - ახალი შესაძლებლობები ციფრულ მარკეტინგში
ეფექტური ლოგისტიკა, როგორც სამშენებლო ინდუსტრიის განვითარების მექანიზმი (R)
დღეიდან სილქნეტი Ispace-ის სარეალიზაციო ცენტრებში აქციას იწყებს
კავკასიის უნივერსიტეტი სპეციალურ განცხადებას ავრცელებს