დავით გაბაიძის ინიციატივა სამი მოსმენით განიხილება და განათლების, მეცნიერების, კულტურისა და  სპორტის საკითხთა კომიტეტი მხარს უჭერს მის პლენარულ სხდომაზე გატანას

აჭარის ავტონომიური რესპუბლიკის უმაღლესი საბჭოს თავმჯდომარის, დავით გაბაიძის ინიციატივა სამი მოსმენით განიხილება და განათლების, მეცნიერების, კულტურისა და სპორტის საკითხთა კომიტეტი მხარს უჭერს მის პლენარულ სხდომაზე გატანას. როგორც „ინტერპრესნიუსს“ აჭარის ავტონომიური რესპუბლიკის უმაღლესი საბჭოდან აცნობეს, გადაწყვეტილება კანონმდებლებმა ადამიანის უფლებების დაცვის საკითხთა კომიტეტთან გაერთიანებულ სხდომაზე მიიღეს, რომელსაც ლადო მგალობლიშვილი უძღვებოდა.

მათი ინფორმაციით, ,,აჭარის ავტონომიური რესპუბლიკის ჯილდოებისა და საპატიო წოდებების შესახებ” კანონის პროექტი კოლეგებს თავად ინიციატორმა გააცნო და მისი მიღების შემდეგ, დავით გაბაიძის განცხადებით, აჭარაში მოღვაწე და განსაკუთრებული დამსახურების მქონე სხვადასხვა სფეროს წარმომადგენლების დაჯილდოება იქნება შესაძლებებლი.

„კანონპროექტი ტბელ აბუსერისძის I, II და III ხარისხის ორდენის, ღირსების მედლისა და საპატიო წოდებების შემოღებას ითვალისწინებს. ამასთან, პროექტის მიხედვით, ტბელ აბუსერისძის I ხარისხის ორდენისთვის - 5 ათასი ლარი, II ხარისხის ორდენით დაჯილდოებულისთვის - 4 ათასი, ხოლო III ხარისხის ორდენის მფლობელისთვის - 3 ათასი ლარია გათვალისწინებული. 2 ათასი ლარია განსაზღვრული ღირსების მედალზე, ათასი ლარი კი საპატიო წოდებებზე. დავით გაბაიძის განცხადებით, აღნიშნული ჯილდოების რაოდენობა ლიმიტირებულია პროექტით და ეს, რეგიონის ხელისუფლების მხრიდან გამოხატული დიდი მორალური მხარდაჭერა იქნება ღვაწლმოსილი და განსაკუთრებული დამსახურების მქონე ადამიანებისთვის.

ორი კომიტეტის გაერთიანებული სხდომის მონაწილეებმა 2020 წლის რესპუბლიკურ ბიუჯეტში შესატანი ცვლილებები განიხილეს. შესაბამისი მოხსენება ფინანსთა და ეკონომიკის მინისტრმა - ჯაბა ფუტჯარაძემ წარმოადგინა და უპასუხა კანონმდებელთა შეკითხვებს. ორივე კომიტეტმა მხარი დაუჭირა კანონის პროექტის პლენარულ სხდომაზე გატანას“,-აღნიშნულია ინფორმაციაში.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა