აჭარის ტურიზმის დეპარტამენტი - ცნობილი ბლოგერებისა და ინფლუენსერების აჭარაში მოგზაურობას პოზიტიური გამოხმაურება მოჰყვა

ცნობილი ქართველი ბლოგერებისა და ინფლუენსერების მოგზაურობას მთიან აჭარაში სოციალურ ქსელებში პოზიტიური გამოხმაურება მოჰყვა. აჭარის ტურიზმისა და კურორტების დეპარტამენტის ინფორმაციით, ათასობით კომენტარი და მოწონება დაიმსახურა მთიანი აჭარის ტურისტული პროდუქტების შესახებ გამოქვეყნებულმა ულამაზესმა ფოტოებმა და „სთორებმა“, რომელთაც „ინსტაგრამსა“ და „ფეისბუქში“ მილიონამდე წვდომა აქვს.

„ბლოგერებმა მოგზაურობა კინტრიშის ეროვნული პარკიდან დაიწყეს და ერთი კვირის განმავლობაში აჭარის ყველა მუნიციპალიტეტში არსებული ცნობილი და ნაკლებად ცნობილი ტურისტული ადგილების მონახულება შეძლეს. მტირალას ეროვნული პარკი, მაჭახელა, ჩირუხის მთა, მერისის ხეობა, კურორტი ბეშუმი და მწვანე ტბა იმ ტურისტულ ადგილებს შორისაა, რომელთა შესახებაც მოგზაურებმა პოზიტიური შთაბეჭდილებები და რეკომენდაციები ათასობით გამომწერს გაუზიარეს.

გურამ შეროზია, ტიტე მიქაძე, სოსო ნებიერიძე, სალი წვერავა, ნათია ჩალაძე (ლილიუმის ბლოგი), ოთო ნიკურაძე და ზურა გელაშვილი რეგიონში აჭარის ტურიზმის დეპარტამენტის პროექტის ფარგლებში მოგზაურობდნენ, რომლის მიზანიც შიდა ტურიზმის სტიმულირება და რეგიონის ნაკლებად ცნობილი ტურისტული პროდუქტების პოპულარიზაციაა. აჭარის ტურიზმის დეპარტამენტი ბლოგერების შემდეგ პროექტში ფოტოგრაფების, კულინარებისა და სხვადასხვა პროფესიის ადამიანების ჩართვას გეგმავს. პროექტის ფარგლებში ასევე, განახლდება აჭარის ტურისტული პოტენციალისა და პროდუქტების ამსხველი ფოტო-ვიდეო ბაზა.

მთიანი აჭარის ახალი ტურისტული მარშრუტების პოპულარიზაციის მიზნით დეპარტამენტი ინფოტურებს გიდებისთვის, ტურისტული სააგენტოებისა და მედიის წარმომადგენლებისთვისაც გეგმავს“,-აღნიშნულია ინფორმაციაში.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა