არჩილ ჩიქოვანი საგზაო ინფრასტრუქტურულ სამუშაოებს გაეცნო

ბათუმის მერის მოვალეობის შემსრულებელი არჩილ ჩიქოვანი ჭაობის ქუჩების სარეაბილიტაციო სამუშაოებს საკრებულოს დეპუტატ ელგუჯა ანდრიაძესთან ერთად გაეცნო.

ჩიქოვანის თქმით, ჭაობის დასახლებაში ერთდროულად 19 ქუჩის რეაბილიტაცია ხორციელდება.

„უკვე დასრულდა 3 ქუჩის კეთილმოწყობა, 13 ქუჩაზე აქტიურად მიმდინარეობს სამუშაოები. უახლოეს პერიოდში კი, დამატებით 3 ქუჩის კეთილმოწყობა დაიწყება. ჩვენ, ახლა ვიმყოფებით ურეხის შესახვევში, სადაც სანიაღვრე სისტემის მოწყობა ხორციელდება. მოგეხსენებათ, წლების განმავლობაში, ჭაობის დასახლებას არ ჰქონდა სანიაღვრე სისტემა, რაც უხვი ნალექის დროს პრობლემას უქმნიდა მოსახლეობას. აღსანიშნავია, რომ სანიაღვრე სისტემის მონტაჟის შემდგომ აღნიშნული პრობლემა მნიშვნელოვნად არის შემცირებული”, - განაცხადა არჩილ ჩიქოვანმა.

ბათუმის მერიის ინფორმაციით, უკვე დასრულდა ლუკა ასათიანის ქუჩისა და ლადო ასათიანის ჩიხის, ასევე თევრათ გორგილაძისა და ვაჟა-ფშაველას ქუჩის მონაკვეთის კეთილმოწყობა.

მათივე ცნობით, ინფრასტრუქტურული სამუშაოები სექტემბრის ბოლოსთვის დასრულდება. პროექტის ღირებულება 7 მილიონ ლარს აღემატება.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
შეფუთვის ვინტაჟური სტილი და ევროპული სტანდარტების ქარხანა - „ვაკე“ 2021 წელს სიახლეებით იწყებს
იურიდიული პირები პროკრედიტ ბანკში ანგარიშებს დისტანციურად გახსნიან