ჩხოროწყუს საკრებულოს თავმჯდომარემ, ბესიკ ესებუამ თანამდებობა დატოვა.
როგორც "ინტერპრესნიუსს" საკრებულოს თავმჯდომარის მოადგილე კობა ჯიქიამ განუცხადა, ესებუამ გადადგომის შესახებ განცხადება გუშინ დაწერა.
მისივე ინფორმაციით, ბესიკ ესებუა პოსტის დატოვების შესახებ დაწერილ განცხადებაში პირად მიზეზს ასახელებს.
"არ ვიცი მიზეზი, თუ რატომ შეიძლება დაეტოვებინა პოსტი. არ გვქონია საუბარი ამის შესახებ. არ უთქვამს, რომ თანამდებობას ტოვებდა. გუშინ დაწერა განცხადება", - განაცხადა კობა ჯიქიამ.
ბესიკ ესებუა ჩხოროწყუს საკრებულოს თავმჯდომარის პოსტს 2012 წლიდან იკავებდა.