ევროკავშირი რუსეთ-საქართველოს კონფლიქტის სტაბილიზაციისა და მშვიდობიანად მოგვარების ერთგული რჩება, - ამის შესახებ ევროკავშირის საგარეო პოლიტიკის სამსახურის ოფიციალურმა წარმომადგენელმა პიტერ სტანომ განაცხადა, რითაც ის საქართველო - რუსეთის აგვისტოს ომის 12 წლისთავს გამოეხმაურა.
„ევროკავშირი საქართველოს დამოუკიდებლობის, სუვერენიტეტისა და ტერიტორიული მთლიანობის საკითხთან დაკავშირებით ნათელ პოზიციას კიდევ ერთხელ ადასტურებს. საქართველო-რუსეთის კონფლიქტიდან 12 წლის შემდეგ, ევროკავშირი ამ კონფლიქტის სტაბილიზაციისა და მშვიდობიანად მოგვარების ერთგული რჩება,“ - წერს პიტერ სტანო სოციალურ ქსელ „ტვიტერში“.