წყალმომარაგების კომპანია - ლაგოდეხის წყლის ხარისხის ვარგისიანობა სურსათის ეროვნული სააგენტოს ექსპერტიზის დასკვნითაც დადასტურდა

წყალმომარაგების კომპანიისა და სურსათის ეროვნული სააგენტოს წარმომადგენლებმა ლაგოდეხში, რამდენიმე დღის წინ, დამატებით, წყლის სინჯები იმ ოჯახებიდან აიღეს, რომლებიც წყლის ხარისხთან დაკავშირებით უკმაყოფილებას გამოთქვამდნენ. ამის შესახებ ინფორმაციას წყალმომარაგების კომპანია ავრცელებს.

მათი ცნობით, წყალმომარაგების კომპანიის დირექტორი, გიგა მანდარია ყველა იმ ოჯახში მივიდა, სადაც მოსახლეობის მითითებით და თანდასწრებით, სურსათის ეროვნული საააგენტოს ექსპერტებმა ონკანებიდან წყლის სინჯები აიღეს.

მიღებული დასკვნების საფუძველზე, კიდევ ერთხელ დასტურდება, რომ ლაგოდეხში წყლის ხარისხი შეესაბამება რეგლამენტით გათვალისწინებულ სტანდარტებს და სასმელად არის ვარგისი.

"ლაგოდეხში მოსახლეობის იმ ნაწილს შევხვდით, რომლებსაც სასმელი წყლის ხარისხთან დაკავშირებით ჰქონდათ პრეტენზიები. ჩვენი კომპანიის მობილური ლაბორატორია კიდევ ერთხელ მივიყვანეთ იმ მისამართებზე, რომელებიც თავად აბონენტებმა მიგვითითეს და ავიღეთ სინჯები. ჩვენთან ერთად, წყლის სინჯები აიღო სურსათის ეროვნულმა სააგენტომ. ორივე ლაბორატორიულმა დასკვნამ აჩვენა, რომ ქალაქში არსებული სასმელი წყლის ხარისხი შეესაბამება დადგენილ სტანდარტებს და ნორმებს. აქვე, მინდა განვმარტო, რომ წყალმომარაგების კომპანია ყველგან სადაც ოპერირებს და მათ შორის ლაგოდეხში წყლის ხარისხს მუდმივად, ყოველდღიურ რეჟიმში ამოწმებს როგორც სათავე ნაგებობებზე, ასევე ქსელებში და სისტემურად უწევს მონიტორინგს ", - აცხადებს გიგა მანდარია.

მისივე განმარტებით, ლაგოდეხის 24 საათიანი ხარისხიანი წყალმომარაგებისა და წყლის რაციონალურად გამოყენებისთვის გამრიცხველიანება არის აუცილებელი პირობა. მრიცხველების არ არსებობის შემთხვევაში, მოსახლეობა სასმელ წყალს იყენებს აგრო მიზნებისთვის, რაც მთელ ქალაქს უქმნის პრობლემას და უწყვეტი წყალმომარაგებით უზრუნველყოფა შეუძლებელი იქნება.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი წარმატების წერტილი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი