დღეს შიიტი მუსლიმები ყადირ ხუმს - ღმერთის ბრძანებითა და შუამავლის მეშვეობით, ალის იმამად (ლიდერად) არჩევის დღეს ზეიმობენ. ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.
მათი განმარტებით, მუსლიმთა რწმენით, ათასობით მორწმუნის თვალწინ, შუამავალმა მუჰამედმა ალი მუსლიმთა იმამად გამოაცხადა, რითაც გაამყარა იმამატი, როგორც სულიერი მემკვიდრეობის ინსტიტუტი.
რელიგიის სააგენტოს ინფორმაციით, შიიტთა პირველი იმამი და სუნიტთა მეოთხე მართლმორწმუნე ხალიფა (656–661). წინასწარმეტყველ მუჰამადის ბიძაშვილი, იმამი ალი იყო პირველი ბავშვი, რომელმაც მიიღო ისლამი.