რუსეთ-საქართველოს ომიდან 12 წელთან დაკავშირებით, თელავის მუნიციპალიტეტის მერის მოადგილეებმა დავით ბეგიაშვილმა და ფიქრია ყუშიტაშვილმა თელავის საკრებულოს თავმჯდომარე არჩილ თხლაშიძესთან ერთად საქართველოს ერთიანობისათვის დაღუპულ გმირთა მემორიალი ყვავილებით შეამკეს.
როგორც „ინტერპრესნიუსს“ თელავის მუნიციპალიტეტის მერიიდან აცნობეს, დავით ბეგიაშვილი და ფიქრია ყუშიტაშვილი სოფელ ნაფარეულშიც იმყოფებოდნენ, სადაც აგვისტოს ომში დაღუპული გმირის ზურა ბალაშვილის სახელობის სკვერში, მისივე მემორიალი ყვავილებით შეამკეს და პატივი მიაგეს გარდაცვლილი გმირის ხსოვნას.