ახალქალაქის მერი - სიმშვიდეა, ვითარება კონტროლის ქვეშ არის
ახალქალაქის მუნიციპალიტეტის მერის, იურიკ უნანიანის ინფორმაციით, ამჟამად ადგილზე სტაბილური ვითარებაა და საგამოძიებო მოქმედებები მიმდინარეობს.
როგორც „ინტერპრესნიუსს“ მერმა განუცხადა, ახალქალაქში ვითარება კონტროლს ექვემდებარება.
„ამჟამად ახალქალაქში სიმშვიდეა, საგამოძიებო მოქმედებები მიმდინარეობს. ადგილზე სტაბილური ვითარებაა. ჯერჯერობით არავითარი ექსცესი არ ყოფილა. ოპერატიული მუშაკები მუშაობენ და ვითარება კონტროლის ქვეშ არის“, - განაცხადა იურიკ უნანიანმა.
ცნობისთვის, ახალქალაქში რამდენიმე პირს შორის დაპირისპირების შედეგად ახალგაზრდა მამაკაცი გარდაიცვალა. ახალქალაქში მომხდარი მკვლელობის შემდეგ, გარდაცვლილის ახლობლებმა რამდენიმე სახლი დაწვეს.
პოლიციამ ახალქალაქში განზრახ მკვლელობის ბრალდებით 1 პირი დააკავა, ჯგუფური ძალადობის ორგანიზების ფაქტზე გამოძიება გრძელდება.
v-if="article.gallery" v-html="article.gallery"
