საოფისე შენობაში, სადაც დღეს უკრაინელმა სამართალდამცველებმა ასაფეთქებელი მოწყობილობა გააუვნებელყვეს, პარტია „ოპოზიციური პლატფორმა - სიცოცხლისთვის“ არის განთავსებული.
პარტიის მიერ გავრცელებულ ინფორმაციაში აღნიშნულია, რომ მოწყობილობა ოფისის უსაფრთხოების სამსახურმა დილით აღმოაჩინა.
„ოპოზიციური პლატფორმა - სიცოცხლისთვის“ განცხადებას ავრცელებს, რომელშიც ნათქვამია, რომ მომხდარი წარმოადგენს ტერორისტული აქტის მცდელობას, რომელიც საფრთხეს უქმნიდა ადამიანთა სიცოცხლეს და ჩადენილია საზოგადოებისთვის საშიში სახით პოლიტიკური მოტივებიდან გამომდინარე.
მანამდე გავრცელებული ინფორმაციით, კიევში, ბოლშოი ვასილევსკის ქუჩაზე სამართალდამცავებმა ასაფეთქებელი მოწყობილობა გააუვნებელყვეს.
კიევის პოლიციის „ფეისბუქის“ გვერდზე გამოქვეყნებულ ინფორმაციაში აღნიშნულია, რომ ასაფეთქებელი მოწყობილობა დარაჯმა ერთ-ერთ ოფისთან აღმოაჩინა. ის სპეციალისტებმა გააუვნებელყვეს. მომხდარის შედეგად არავინ დაშავებულა.