ოზურგეთში ანზორ ერქომაიშვილის 80 წლის იუბილე აღინიშნება

ოზურგეთში ანზორ ერქომაიშვილის 80 წლის იუბილე აღინიშნება

ხვალ, 10 აგვისტოს, ოზურგეთის მუნიციპალიტეტის დრამატული თეატრში ქართველი გამოჩენილი მომღერლის, ლოტბარის, კომპოზიტორის, მსოფლიოს სხვადასხვა არქივში მიმობნეული ქართული სიმღერების ჩანაწერების მომძიებლისა და გამომცემლის, ანსამბლების – ,,რუსთავისა“ და ,,მართვეს“ დამაარსებლის, ანზორ ერქომაიშვილის 80 წლის იუბილე აღინიშნება. ამის შესახებ „ინტერპრესნიუსს“ საქართველოს განათლების, მეცნიერების, კულტურისა და სპორტის სამინისტროდან აცნობეს.

მათი ინფორმაციით, ღონისძიებაზე ქართულ ტრადიციულ სიმღერებს შეასრულებენ ანსამბლები: „რუსთავი“, „ბასიანი“, „რიჰო“, „შილდა“, გალობის უნივერსიტეტის გოგონათა გუნდი.

ტრიოები: „შალვა ჩემო“, „შემოქმედი“ და „ხელხვავი“. იუბილეზე გამოიფინება ანზორ ერქომაიშვილის ცხოვრების და შემოქმედების ამსახველი ფოტოარქივი.

როგორც უწყებაში განმარტავენ, ღონისძიების ორგანიზატორები არიან: საქველმოქმედო ფონდი ,,ქართული გალობა“ საქართველოს ფოლკლორის სახელმწიფო ცენტრი და ოზურგეთის მუნიციპალიტეტის მერია.