ავღანეთში "თალიბანის" დაჯგუფების 400-მდე მთავარ წევრს პატიმრობიდან გაათავისუფლებენ

ავღანეთში მიღწეული შეთანხმების თანახმად, "თალიბანის" დაჯგუფების 400-მდე მთავარ წევრს პატიმრობიდან გაათავისუფლებენ. აღნიშნული გადაწყვეტილება კვირას, ავღანელი ხალხის წარმომადგენელთა უზენაესმა კრებამ - „ლოია ჯირგამ“, მიიღო.

„დაბრკოლებების აღმოფხვრის, სამშვიდობო პროცესის დაწყების და სისხლისღვრის დასრულების მიზნით, „ლოია ჯირგამ“ 400 "თალიბის" გათავისუფლების გადაწყვეტილება დაადასტურა“, - ნათქვამია კრების მიერ მიღებულ რეზოლუციაში.

მოგვიანებით პრეზიდენტმაც დაადასტურა, რომ პატიმრების გათავისუფლების გადაწყვეტილებას ხელს მოაწერდა.

„როიტერის“ ინფორმაციით, გასულ კვირაში პრეზიდენტმა ავღანეთის საზოგადოების ლიდერები და პოლიტიკოსები რჩევისთვის ქაბულში მიიწვია, რათა გადაეწყვიტათ გაეთავისუფლებინა თუ არა ხელისუფლებას თალიბები ციხიდან. გამოცემის ინფორმაციითვე, ამ 400 "თალიბს" შორის არიან ის პირებიც, ვინც სასჯელს სამოქალაქო პირებსა და უცხოელებზე თავდასხმისთვის იხდიან. შეგახსენებთ, რომ აშშ-სთან მიღწეული სამშვიდობო შეთანხმება ციხეებიდან 5 000 თალიბი პატიმრის გათავისუფლებას ითვალისწინებს.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს