აშშ-ში კორონავირუსის შემთხვევების რაოდენობამ 5 მილიონს გადააჭარბა. ჯონ ჰოპკინსის უნივერსიტეტის მონაცემების თანახმად, შტატებში ვირუსის დადასტურებული შემთხვევების რაოდენობა 5 000 603 შეადგენს.
ამავე ინფორმაციით, ვირუსით საერთო ჯამში სულ მცირე 162 441 ადამიანი დაიღუპა.
ვირუსის გავრცელებისა და გარდაცვალების მაჩვენებლით აშშ მსოფლიოში პირველ ადგილზეა.
ქვეყანაში ვირუსის პირველი შემთხვევა იანვარში დაფიქსირდა.