კახა კალაძე - დარწმუნებული ვარ, ირაკლი ქადაგიშვილი ყველა გამოწვევას ღირსეულად უპასუხებს

ბევრი ფიქრის, კვლევების შემდეგ პარტიამ მიიღო გადაწყვეტილება,თელავის, ახმეტის, ლაგოდეხის და ყვარლის მაჟორიტარად წარმოგვედგინა კახეთის მხარის გუბერნატორი, ირაკლი ქადაგიშვილი,- ამის შესახებ „ქართული ოცნების“ გენერალურმა მდივანმა კახა კალაძემ თელავში, ერეკლეს სასახლის შიდა ეზოში, „ქართული ოცნება-დემოკრატიული საქართველოს” მაჟორიტარი დეპუტატობის კანდიდატის, ირაკლი ქადაგიშვილის წარდგენისას განაცხადა.

მისი თქმით, ირაკლი ქადაგიშვილი არის ადამიანი, რომელსაც კახეთის რეგიონის განვითარების ხედვა აქვს.

„როდესაც ვფიქრობდით, თუ ვინ უნდა დაგვეყენებინა კახეთის რეგიონში მაჟორიტარობის კანდიდატად, ნამდვილად არ იყო მარტივი შეგვერჩია ადამიანი, რომელიც თქვენთვის მისაღები იქნებოდა, ადამიანი, რომელიც იქნებოდა თქვენი საკუთარი შვილი, ადამიანი, რომელიც გამოცდილი გეყოლებოდათ ჭირსა და ლხინში. ბევრი ფიქრის, კვლევების შემდეგ პარტიამ მიიღო გადაწყვეტილება, თელავის, ახმეტის, ლაგოდეხის და ყვარლის მაჟორიტარად წარმოგვედგინა ადამიანი, რომელიც თქვენთვის უცხო არაა, ადამიანი, რომელსაც კახეთის რეგიონის განვითარების ხედვა აქვს, კახეთის მხარის გუბერნატორი, ირაკლი ქადაგიშვილი.

დარწმუნებული ვარ, ჩვენს გუნდთან ერთად ის რეგიონის ყველა გამოწვევას ჩვენთან, თქვენთან ერთად ღირსეულად უპასუხებს“, - განაცხადა კალაძემ.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
სილქნეტი განცხადებას ავრცელებს (R)