ეკატერინე ტიკარაძის განცხადებით, მთავრობის მიერ დაანონსებული 200-ლარიანი დახმარების პაკეტი არჩევნების მოახლოებას არ უკავშირდება

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ეკატერინე ტიკარაძის განცხადებით, მთავრობის მიერ დაანონსებული 200-ლარიანი სოციალური დახმარების პაკეტი არჩევნების მოახლოებას არ უკავშირდება. როგორც მან ჟურნალისტებს განუცხადა, ხელისუფლება ცდილობს, რომ თითოეულ ოჯახს მაქსიმალურად დაეხმაროს და სწორედ ამიტომ მიიღო ეს „სამართლიანი გადაწყვეტილება“.

„მაშინ, როდესაც გლობალურ პანდემიასთან გვაქვს საქმე და ვიცით, თუ როგორ აისახა „კოვიდ-19“ ნებისმიერი სხვა ქვეყნის მოქალაქეებზე, რა თქმა უნდა, საქართველოს მოქალაქეები არ არიან გამონაკლისი. მსგავსი დახმარებები, რომელიც მხოლოდ და მხოლოდ „კოვიდ 19“-ით გამოწვეულ ზარალს ეხებოდა, უკვე არაერთი თვეა დავიწყეთ. არ ვეთანხმები იმას, რომ დღესდღეობით ბავშვებზე გასაცემი თანხა, რომელზეც გადაწყვეტილება მივიღეთ, საარჩევნო მოვლენებს ემსახურება. ეს სიმართლეს არ შეესაბამება, პირიქით. ჩვენ შევეცადეთ, თითოეულ ოჯახს მაქსიმალურად შეძლებოდა ენახა მინიმალური სარგებელი, ის სარგებელი, რომელიც დღესდღეობით საქართველოს მთავრობას გააჩნია, რომ გასცეს თავის მოქალაქეებზე. სწორედ აქედან გამომდინარე ვფიქრობთ, რომ მივიღეთ სამართლიანი გადაწყვეტილება და ჩავრთეთ ამ სოციალურ დახმარებებში უკვე საბავშვო პაკეტი“,-განაცხადა ტიკარაძემ.

ცნობისთვის, მთავრობის გადაწყვეტილებით, 17 წლის ჩათვლით თითოეულ ბავშვზე 200 ლარიანი დახმარება გაიცემა.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
სილქნეტი განცხადებას ავრცელებს (R)