მესტიაში შავღელესთან მეწყერი ჩამოწვა

მესტიის მუნიციპალიტეტის მერის, კაპიტონ ჟორჟოლიანის განცხადებით, მესტიაში შავღელესთან მეწყერი ჩამოწვა.

როგორც მესტიის მუნიციპალიტეტის მერმა, კაპიტონ ჟორჟოლიანმა „ინტერპრესნიუსთან“ საუბრისას განაცხადა, ამ დროისთვის, შავღელეს მონაკვეთზე, სადაც მეწყერი ჩამოწვა მძიმე ტექნიკაა მობილიზებული და გაწმენდითი სამუშაოები მიმდინარეობს.

შემთხვევის შედეგად არავინ დაშავებულა.

როგორც "ინტერპრესნიუსს" მესტიის მერის მოადგილემ ნელი ნავერიანმა უთხრა, მეწყერის ჩამოწოლის შედეგად მესტიის მიმართულებით გადაადგილება შეფერხდა.

"მესტიაში, ვინც მიდიოდა მათ შეუფერხდათ გადაადგილება. საკმაოდ სერიოზული მასაა, ვიდრე ბოლომდე არ ჩამოვა და არ გამაგრდება გაწმენდითი სამუშაოებიც რთული იქნება. ეს არის სახელმწიფო გზა და ტექნიკა ადგილზე ყოველთვის არის, თუმცა მუშაობას ამდროისთვის ხილვადობა და წვიმა აფერხებს. ეს არის შავღელეს მონაკვეთი, სოფელ ეცერსა და ბეჩოს შორის",- ამბობს ნელი ნავერიანი

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 26.02.2021
კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
1 მარტს, "ამბასადორი ჯგუფი" კურორტ გოდერძიზე ახალ სასტუმროს - „ამბასადორი გოდერძის“ გახსნის