მცხეთის სამედიცინო ცენტრის კლინიკური დირექტორის ლიკა მუმლაძის განცხადებით, საავადმყოფოში ამ დროისთვის 34 კოვიდინფიცირებული პაციენტი მკურნალობს და აქედან ერთის ჯანმრთელობის მდგომარეობა კრიტიკულია.
“ამ დროისთვის ჩვენთან 34 კოვიდინფიცირებული პაციენტი გადის მკურნალობას. მათი ჯანმრთელობის მდგომარეობა სხვადასხვა სიმძიმის არის. გვყავს რამდენიმე მძიმე პაციენტი, რომელსაც პერმანენტულ რეჟიმში სჭირდება ჟანგბადის მიწოდება. ასევე გვყავს ერთი კრიტიკული პაციენტი, რომელიც მკურნალობას რეანიმაციულ განყოფილებაში გადის და იმყოფება მართვით სუნთქვაზე - ეს არის ასაკოვანი ქალი. ძირითადად არის „ლილოს კლასტერი“, რუსთავის და ასევე სატვირთო ავტომანქანის მძღოლი”, - განაცხადა ლიკა მუმლაძემ დღეს გამართულ ბრიფინგზე.
მისი თქმით, შემოდგომიდან კოვიდინფექციის გავრცელების რისკები და საფრთხე გაიზრდება.
მცხეთის სამედიცინო ცენტრში სულ 170 პაციენტი მკურნალობდა, აქედან, 132 უკვე გამოჯანმრთელდა.