პრემიერ - მინისტრის მრჩეველის რეგიონალურ საკითხებში სოზარ სუბარის განცხადებით, ამ დროისთვის მესტიის მუნიციპალიტეტში კორონავირუსზე 500-მდე ნიმუშია აღებული.

სუბარის თქმით, დღის ბოლომდე სოფელ ლენჯერში ადგილობრივებისთვის ნიმუშების აღება სრულად დასრულდება.

„ყველაზე მთავარი და ცხელი წერტილი ამ წუთში არის ლენჯერი, სადაც 320 ნიმუში იქნება აღებული, სხვა ადგილებში 100 ნიმუში. დაახლოებით დღის პირველ ნახევარში ველოდებით აღებული ნიმუშების პასუხებს. დღეს, დაგეგმილია გაზრდა ამ რაოდენობების და შეირჩა 3 მთავარი ლოკაცია, სადაც ყველაზე მეტი დაზიანებებია, ეს არის ლენჯერი, დაბა მესტია, სოფელი წვირმი და მულახი. ამოცანა გვაქვს, რომ დღეს ლენჯერი ამოვწუროთ როგორც მთავარი წყარო, საიდანაც დაიწყო გავრცელება ვირუსის და ვფიქრობთ, დღის განმავლობაში ჩვენ ამას მოვახერხებთ.“- აღნიშნა სოზარ სუბარმა.

ინფორმაციას სამეგრელო-ზემო სვანეთის გუბერნატორის ადმინისტრაციის პრესსამსახური ავრცელებს.