„ეიპიემ ტერმინალს ფოთში" ტალანტების მოზიდვისა და განვითარების პროგრამა „ინპორტ STEM” დაიწყო

ახალი კორონავირუსის გამო შექმნილი სირთულეებით გამოწვეული მცირედი დაყოვნების მიუხედავად, „ეიპიემ ტერმინალს ფოთში" ტალანტების მოზიდვისა და განვითარების პროგრამა „ინპორტ STEM” დაიწყო.

„ეიპიემ ტერმინალს ფოთის“ ინფორმაციით, აღნიშნული პროფესიული განვითარების პროგრამა ახალგაზრდებში პრაქტიკული სამუშაო უნარ-ჩვევების შეძენა-განვითარებისკენაა მიმართული და მათ ეხმარება სწორი და გააზრებული კარიერული გადაწყვეტილებების მიღებაში. „ინპორტი” პირველად 2017 წელს ჩატარდა და მას შემდეგ, ყოველწლიური სახე მიეცა; ბოლო ორი წელია კი მთავარი ყურადღება პროფესიულ, ტექნიკურ მიმართულებებზეა.

„როგორც მოგეხსენებათ, ბოლო ორი „ინპორტი" ტარდება STEM მიმართულებებისთვის, რომელიც წელსაც მიმართულია ელექტროინჟინერიის, მექანიკური ინჟინერიის და HSSE (ჯანდაცვა, შრომის და ზოგადი უსაფრთხოება, გარემოს დაცვა) განხრის მქონე ახალგაზრდების მოძიებისკენ და შრომის ბაზარზე მათი დასაქმებისუნარიანობის გაზრდისკენ. ვფიქრობთ, რომ „ინპორტი" კარგი შესაძლებლობაა ადგილობრივი, მოტივირებული ახალგაზრდებისთვის, რომლებმაც ახლახან დაასრულეს საგანმანათლებლო ცხოვრება. ის ფაქტი, რომ პროგრამა უკვე მეოთხე წელია წარმატებულად ხორციელდება ჩვენს კომპანიაში და აქედან ბოლო ორი წელი დავუთმეთ STEM მიმართულებას, მიუთითებს ტექნიკური და პროფესიული მიმართულებების პრიორიტეტულობაზე და ამასთან, ერთგვარი სტიმულია ფოთელი ახალგაზრდებისთვის, ან მათთვის, ვინც აპირებს ცხოვრების გარკვეული ნაწილი დაუკავშიროს ქვეყნის ეკონომიკისთვის ძალზე მნიშვნელოვან ქალაქ ფოთს", - განაცხადა ნავსადგურის ადამიანური რესურსებისა და კომუნიკაციების დეპარტამენტის უფროსმა, ლელა კვანტალიანმა.

როგორც „ეიპიემ ტერმინალს ფოთში“ აღნიშნავენ, „ინპორტ STEM-ში" 10 მონაწილე ჩაერთო. გასული წლის მსგავსად, წელსაც წარმოდგენილი არიან გოგონები ე.წ. „ქალთათვის არატრადიციულ სამუშაოებზე“, კერძოდ, მექანიკოსი - საპორტო ტექნიკის მექანიკის და ორი მონაწილე - HSSE მიმართულებით. აღსანიშნავია, რომ კომპანია დიდი მონდომებით და ძალისხმევით ცდილობს წაახალისოს გოგონები, დასაქმდნენ მსგავს პოზიციებზე იმდენად, რამდენადაც ქალთა ეკონომიკური გაძლიერება ჩვენი კორპორაციული სოციალური პასუხისმგებლობის ერთ-ერთი პრიორიტეტული მიმართულებაა და ჩვენი სურვილია, რაც შეიძლება მეტი მიზანდასახული გოგონა აღმოვაჩინოთ კარიერის შექმნისა და განვითარების გზაზე, რომელიც ამ ეტაპზე ჩვენს საზოგადოებაში გენდერული კომპონენტის დიდ ზეგავლენას განიცდის.

ანაზღაურებადი განვითარების პროგრამა მოკლე თეორიული მოდულით იწყება, რომელშიც მონაწილეები A.P.Moller-Maersk ჯგუფის ღირებულებებზე, სამუშაო მიდგომებზე, მიმართულებებსა და ზოგადად, „ეიპიემ ტერმინალს ფოთის“ კორპორატიულ კულტურაზე ინფორმაციას მიიღებენ, რის შემდგომაც ისინი თავიანთი პროფესიებისა და ინტერესების შესაბამის სამსახურებში დაიწყებენ მუშაობას და უშუალოდ სამუშაო ადგილზე მიიღებენ მნიშვნელოვან ორგანიზაციულ და პრაქტიკულ გამოცდილებას.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 09.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ტერაბანკი ქალთა საერთაშორისო დღის აღსანიშნავად
Mastercard-ის ხელშეწყობით, ყოველთვიური ვებინარების სერია: „კოვიდ 19 გავლენა ტურიზმზე: საქართველოს და მსოფლიო ტურიზმის ტენდენციები“ დაიწყო