„თავისუფალი საქართველო“ - პარტიამ ზუგდიდში მეწარმის გამოსახლება შეაჩერა

პარტია „თავისუფალმა საქართველომ“ ზუგდიდში მეწარმის გამოსახლება შეაჩერა. აღნიშნულ ინფორმაციას პარტიის პრესსამსახური ავრცელებს.

მათივე ცნობით, ზუგდიდის რაიონულ სასამართლოში განიხილებოდა „საქართველოს ბანკის“ დავა ადგილობრივი მეწარმის, ვაჟა კორკელიას წინააღმდეგ.

„ბანკმა კერძო აუქციონის გზით, მიზერულ ფასში ხელში ჩაიგდო კორკელიას საკუთრებაში არსებული უძრავი ქონება, რომლის ღირებულებაც დაახლოებით ნახევარი მილიონი დოლარია და პროცესზე ბანკის წარმომადგენლები ცდილობდნენ ქონების დასაკუთრება მოეხდინათ დაუყოვნებლივი აღსრულების გზით.

მეწარმის ინტერესებს სასამართლო პროცესზე „თავისუფალი საქართველოს“ დიდუბე-ჩუღურეთის მაჟორიტარობის კანდიდატი, თენგიზ ომანიძე წარმოადგენდა.

სასამართლომ არ დააკმაყოფილა ბანკის მოთხოვნა იძულებით აღსრულებაზე, რაც კორკელიას დამატებით ვადას მისცემს ვალდებულების შესასრულებლად და ქონების დასაბრუნებლად“, - ნათქვამია პარტიის მიერ გავრცელებულ ინფორმაციაში.

„სამწუხაროდ, საქართველოში საბანკო სექტორის ძირითად საქმიანობას წარმოადგენს, მოსახლეობის და მცირე ბიზნესის ძარცვა, მათი ქონების დასაკუთრება და ეს არის ყველა ბანკის შემოსავლის ერთადერთი წყარო, ნაცვლად იმის, რომ საბანკო სექტორი აფინანსებდეს ბიზნესს და ხელს უწყობდეს მეწარმეობის განვითარებას, ის გადაქცეულია მძარცველურ ორგანიზაციად, ხოლო სახელმწიფო ყოველივე ამას უწყობს ხელს.

„თავისუფალ საქართველოს“ მიაჩნია, რომ საკითხის გადაწყვეტა უნდა მოხდეს საკანონმდებლო ცვლილების გზით და იმედს გამოვთქვამთ, რომ 2020 წლის პარლამენტში ამ საკითხზე გაიმართება არსებითი მსჯელობა“, - განაცხადა პროცესის შემდეგ თენგიზ ომანიძემ.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო