ქობულეთში, სოფელ გვარაში პოლიციელზე თავდასხმისა და დაჭრის ფაქტზე ერთი პირი დააკავეს

ქობულეთში, სოფელ გვარაში პოლიციელზე თავდასხმისა და დაჭრის ფაქტზე საქართველოს შინაგან საქმეთა სამინისტროს თანამშრომლებმა ერთი პირი დააკავეს. როგორც უწყებაში "ინტერპრესნიუსს" განუცხადეს, მოქალაქემ მსუბუქი ავტომობილით საგზაო მოძრაობის წესები დაარღვია, ადგილზე მისულ სამართალდამცავებს კი არ დაემორჩილა.

უწყების ინფორმაციით, მამაკაცი "სისხლის სამართლის კოდექსის" 353 პრიმა მუხლით არის დაკავებული, რაც პოლიციელზე თავდასხმას გულისხმობს.

თვითმხილველების ინფორმაციით, მამაკაცი ნასვამ მდგომარეობაში მსუბუქ ავტომობილს ატარებდა, როდესაც ბოძს შეეჯახა, შემდგომ კი სამართალდამცავების მიმართ აგრესიით გამოირჩეოდა.

მათივე ინფორმაციით, ინცინდენტის დროს, მოქალაქემ ერთ-ერთი პოლიციელი ცივი იარაღით დაჭრა, მეორეს კი ფიზიკურად გაუსწორდა. ორი პოლიციელი კლინიკაში გადაიყვანეს, მათი ჯანმრთელობის მდგომარეობა სტაბილურია. სამართალდამცავებმა კლინიკა უკვე დატოვეს.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს